لاہور: وزیراعلی پنجاب مریم نواز نے بڑھتی آبادی کو مستقبل میں ملکی وسائل کیلئے بڑا خطرہ قرار دیتے ہوئے کہا ہے کہ صحت اور تعلیمی سہولیات کیلئے آبادی اور وسائل کا تناسب مد نظر رکھنا ہوگا۔
عالمی یوم آبادی پر جاری بیان میں مریم نواز نے کہا کہ آبادی کی روزبروز بڑھتی شرح بہت سے معاشی و سماجی وسائل کی جڑ بن چکی ہے، غربت، چائلڈ لیبر، صحت، تعلیم اور غذا کی بنیادی وجہ آبادی کا بے ہنگم پھیلائو ہے۔انہوں نے کہا کہ خدشہ ہے کہ چند دہائیوں تک میسر وسائل ملکی ضروریات پورا کرنے سے قاصر ہوں گے۔
انہوں نے کہا کہ موسمیاتی تبدیلی اور بڑھتی آبادی کا سدباب کر کے پاکستان ترقی کی رفتار کو تیز تر کر سکتا ہے۔ انہوں نے کہا کہ صحت اور تعلیم کی سہولیات کے لئے آبادی اور وسائل کے تناسب کو مد نظر رکھنا ہوگا۔
