لاہور: عالمی شہرت یافتہ پاکستانی گلوکار علی ظفر نے پاکستان اور بھارت کے درمیان نسل در نسل چلی آ رہی نفرت و جنگ ختم ہونے کی امید ظاہر کرتے ہوئے کہا ہے کہ کہ جیسے جیسے ہم بیداری اور ذہانت کے نئے دور میں داخل ہو رہے ہیں، پرانے طریقے اپنی گرفت کھو رہے ہیں اور وہ دن دور نہیں جب اس سرزمین کے بچے پوچھیں گے، کیا یہ سچ ہے کہ بھارت اور پاکستان کبھی دشمن تھے؟۔
سماجی رابطے کی ویب سائٹ ایکس پربلاول بھٹو زرداری کا بھارتی صحافی کرن تھاپڑ کو دیئے گئے انٹرویو کا مذکورہ ویڈیو کلپ ری شیئر کرتے ہوئے کہا علی ظفر نے بلاول بھٹو زرداری نے کرن تھاپڑ کے انٹرویو جوکہا وہ مجھے بہت پسند آیا۔
علی ظفر نے نئی نسل سے متعلق اپنے خیالات کا اظہار کرتے ہوئے کہا، وہ ہم سے سوال کریں گے کہ کیا ہم ایک دوسرے سے مل بھی نہیں سکتے تھے؟ کیوں ہم نے ایک دوسرے کو گلے لگا کر اور بات چیت کے ذریعے اپنے مسائل کو حل نہیں کیا؟ اتنی گہری نفرت کرنا کیسے سکھایا؟ انہوں نے امید ظاہر کی کہ یہ نسل امن کا انتخاب کر سکتی ہے اور یہ خوبصورت ہوسکتا ہے۔
