بیجنگ(شِنہوا)چین کی قومی ثقافتی ورثہ انتظامیہ (این سی ایچ اے) نے ہفتے کے روز 10 نئے قومی آثار قدیمہ پارکس کا اعلان کیا، جس کے بعد ملک بھر کے 21 صوبائی سطح کے علاقوں میں ان پارکس کی مجموعی تعداد 65 ہوگئی ہے۔
نئے شامل کئے گئے پارکس میں چین کے شمالی صوبے شنشی میں تاؤسی قومی آثار قدیمہ پارک، مشرقی شان ڈونگ صوبے میں داوین کوو قومی آثار قدیمہ پارک اور کئی دیگر پارک شامل ہیں۔
این سی ایچ اے کے مطابق یہ پارکس چینی قوم کی کثیرجہتی اور مربوط تہذیب کی تشکیل اور ترقی کے مختلف پہلوؤں کو اجاگر کرتے ہیں۔
چین نے 2010 میں قومی آثار قدیمہ پارکس کا انتخاب شروع کیا تھا۔ یہ سیاحتی مقامات ہر سال بڑی تعداد میں زائرین کو اپنی طرف متوجہ کرتے ہیں۔
