کوئٹہ: وفاقی وزیر اطلاعات عطا اللہ تارڑ نے کہا ہے کہ دشمن سافٹ ٹارگٹ کو نشانہ بنارہا ہے، یہ بات روز روشن کی طرح عیاں ہے کہ بھارت بلوچستان میں دہشتگردانہ سرگرمیوں میں ملوث ہے، کلبھوشن کا پکڑاجاناثبوت ہے کہ بھارت دہشت گردی میں ملوث ہے، مودی کا خطاب شکست سے بچنے کیلئے فیس سیونگ ہے۔
کوئٹہ میں خضدار حملے کے زخمی بچوں کی عیادت کے بعد میڈیا سے گفتگو کرتے ہوئے وزیراطلاعات عطااللہ تارڑ نے کہاکہ ہمارے بچوں نے ایک بار پھر قربانی دی، والدین اپنا سب کچھ وطن پر قربان کرنیکے لیے تیارہیں، ان کیحوصلے اور عزم کو سراہتا ہوں۔
عطااللہ تارڑ نے کہا کہ بلوچستان کے حوالے سے حکمت عملی بن رہی ہے، تمام سیاسی جماعتیں،ادارے ملکر بلوچستان میں امن قائم کریں گے، قوم متحد ہے، دشمن کے ہروار کا مقابلہ کریں گے۔ پاکستان کے بھرپور جواب کے بعد مودی کو چھپنے کی جگہ نہیں مل رہی، بھارت بڑی شکست کے بعد بوکھلاہٹ کا شکار ہے، فتنہ الہند کو جڑ سے اکھاڑ پھینکیں گے، ایسے قوانین بنائے جائیں کہ دہشتگرد دہشتگردوں کا ٹرائل ہو تو وہ بچ نہ سکیں۔
انہوں نے کہاکہ ایسے قوانین بنائے جائیں کہ دہشتگرد دہشتگردوں کا ٹرائل ہو تو وہ بالکل بھی بچ نہ بائیں، وزیراعظم اورفیلڈمارشل کاعزم ہے کہ بلوچستان امن کا گہوارہ بنے، دہشت گردوں کا پورے عزم کے ساتھ قلع قمع کیا جائے گا
