اسلام آباد: وزیراعظم شہباز شریف نے کہاہے کہ پاکستان معاشی استحکام کے بعد ترقی کی جانب گامزن ہے، اولین ترجیح ہے کہ میکرواکنامک اصلاحات کیساتھ ادارہ جاتی اصلاحات میں بھی تیزی لائی جائے۔ان خیالات کا اظہار انہوں نے عالمی مالیاتی فنڈ (آئی ایم ایف)کے وفد سے ملاقات کے دوران کیا۔
ملاقات میں حکومت کی آئی ایم ایف پروگرام پر عمل کے حوالے سے معاشی اصلاحات اور مثبت نتائج پر اطمینان کا اظہار کیا گیا، وفد نے پاکستان کے اصلاحات اور معاشی استحکام و ترقی میں آئی ایم ایف کی جانب سے تعاون جاری رکھنے کا اظہار کیا۔
ملاقات میں وفاقی وزرا محمد اورنگزیب، احد خان چیمہ، سیکریٹری خزانہ امداد اللہ بوسال، چیئرمین ایف بی آر راشد محمود لنگڑیال اور متعلقہ اعلی حکام نے بھی شرکت کی۔
