لاہور: پاکستان کے ممتاز کامیڈین اور اداکار افتخار ٹھاکر نے کہا ہے کہ میں نے کبھی بھارتی پنجاب کو پاکستانی پنجاب سے الگ نہیں سمجھا، ہماری روحیں جڑی ہوئی ہیں لیکن جن لوگوں نے بے ادبی کی، ان کا انداز بتاتا ہے کہ ان کی تربیت کس طرح ہوئی ہے۔
اپنے ایک بیان میں انہوں نے کہا دو قسم کے لوگ ہوتے ہیں ایک وہ جنہیں بہادر ماں نے دودھ پلایا ہوتا ہے، وہ غصہ بھی عزت سے کرتے ہیں، میں ان کے جذبات کا احترام کرتا ہوں، سمی چوہل، دلجیت دوسانجھ، امریندر گِل جیسے فنکاروں سے میں معذرت خواہ ہوں کیونکہ میں نے انہیں کبھی تکلیف دینا نہیں چاہی۔
انہوں نے مزید کہا کہ میجر گورو آریہ اور جنرل بخشی جیسے جنونیوں کے لیے میری زبان سخت ہے، کیونکہ ان کا بیانیہ جنگ اور نفرت کو ہوا دیتا ہے۔
واضح رہے افتخار ٹھاکر نے بھارت کو دوٹوک پیغام دیتے ہوئے کہا کہ اگر ہوا سے آو گے تو ہوا میں بکھر جاو گے، پانی سے آو گے تو ڈوب جاو گے اور اگر زمین سے آو گے تو دفن ہو جاو گے، پاکستان ایئر فورس نے بھارت کو اسی طرح جواب دیا۔ یہ بیان بھارت میں خصوصا پنجابی فلم انڈسٹری کے متعدد فنکاروں دلجیت دوسانجھ، سمی چوہل اور امریندر گِل کو ناگوار گزرا ۔
