واشنگٹن: اقوام متحدہ میں مستقل مندوب پاکستانی عاصم افتخار نے کہا ہے کہ بھارتی افواج لوگوں کو اغوائ، اذیت دینے کے بعد بغیر کسی قانونی عمل موت کے گھاٹ اتار رہی ہیں۔
یو این سلامتی کونسل میں بریفنگ کے دوران اظہار خیال کرتے ہوئے عاصم افتخار نے کہا کہ بھارت نے پہلگام واقعے کو جواز بنا کر 2ہزارسے زائد کشمیریوں کو گرفتار کیا تاکہ ان کی جائز جدوجہد حقِ خودارادیت کو مزید کچلا جا سکے۔
انہوں نے کہا کہ مقبوضہ جموں و کشمیر میں حالیہ برسوں میں ہزاروں نامعلوم اور بے شناخت قبریں سامنے آئی ہیں،تحقیقات سے واضح ہوا ہے کہ بھارتی قابض افواج لوگوں کو پہلے اغوا کرتی ہیں، پھر انہیں اذیتیں دی جاتی ہیں اور بغیر کسی قانونی عمل کے موت کے گھاٹ اتار دیا جاتا ہے۔ انہوں نے کہا کہ انہوں نے کہا کہ لاپتا افراد کے بحران سے نمٹنے کیلئے تنازعات کی روک تھام اور پرامن تصفیہ ناگزیر ہے۔
