لاہور: پاکستانی اداکار فیصل قریشی نے بھارتی فنکاروں کی جانب سے پاکستان پر حملے کی خوشی منانے کو افسوسناک اور بزدلانہ عمل قرار دیتے ہوئے کہا ہے کہ کسی بھی انسانی سانحے پر خوشی منانا شرمناک ہے۔ایک ویڈیو بیان میں فیصل قریشی نے کہا کہ ہم پاکستانیوں کو اظہارِ رائے کی آزادی حاصل ہے، جب کہ بھارتی فنکار دبا وکے تحت ریاستی بیانیے کی حمایت کرنے پر مجبور ہیں۔
فیصل نے بھارتی فنکاروں کو آڑے ہاتھوں لیتے ہوئے کہا کہ ہم مسلمانوں کیلئے شہادت ایک معبتر چیز ہے لیکن تم لوگوں کی وجہ سے ایک بیگناہ بچہ شہید ہوا ہے۔ انہوں نے کہا کہ پہلگام میں جو کچھ ہوا وہ ابھی تک ثابت نہیں ہوا نہ ہی ہوگا مگر آپ لوگوں نے جو کچھ کیا وہ پوری دنیا نے دیکھا ہے۔
انہوں نے بھارتیوں سے سوال کیا کہ تمہیں کونسی کامیابی ملی ہے تم لوگوں کے جہاز گِرے ہیں تم لوگوں نے بچے کو شہید کیا ہے جس کا ہمیں بہت دکھ ہے۔
