لاہور: وزیراعلی پنجاب مریم نواز نے 5بھارتی جنگی طیارے مار گرانے پر پاک فضائیہ کو خراجِ تحسین پیش کرتے ہوئے کہا ہے کہ پاکستان نے دنیا کو بتایا دیا اسے آزمانے والے ہمیشہ پچھتاتے ہیں۔ جاری بیان میں مریم نواز نے کہا کہ بھارت کا غرور، تکبر اور جھوٹا پروپیگنڈہ فضاؤں میں جل کر راکھ ہو چکا ہے، پاک فضائیہ نے دنیا پر واضح کر دیا ہے پاکستان امن کا خواہاں ضرور ہے، مگر دفاع پر سمجھوتہ نہیں کرے گا۔
انہوں نے کہا کہ قوم کو اپنی افواج پر فخر ہے، اپنے جوانوں اور پائلٹس کو سلام پیش کرتے ہیں۔انہوں نے کہا کہ یہ صرف دفاع نہیں، پاک فوج نے تاریخ رقم کی ہے ۔پاکستان نے دنیا کو بتا دیا ہے کہ اسے آزمانے والے ہمیشہ پچھتاتے ہیں۔
