پشاور: مشیر اطلاعات خیبرپختونخوا بیرسٹر سیف نے کہا ہے کہ مودی نے آر ایس ایس نظریئے کے پرچارمیں خطے کا امن داؤ پر لگا دیا ہے، فالز فلیگ آپریشن کی آڑ میں بھارت میں آمریت کا نفاذ کر کے آزادی اظہارِ پر پابندی عائد کر دی گئی ہے۔
جاری بیان میں بیرسٹر سیف نے کہا کہ فالز فلیگ آپریشن کی آڑمیں نریندرمودی نے بھارت میں آمریت نافذ کر دی ہے جو بھی فالز فلیگ آپریشن پر اعتراض کرتا ہے، اسے نشان عبرت بنایا جاتا ہے۔ انہوں نے کہا کہ فالز فلیگ ڈرامے کی ناکامی پر نریندر مودی حواس باختہ ہو چکے ہیں، کوئی بھی اس آپریشن کو حقیقت ماننے کیلئے تیار نہیں ہے۔
انہوں نے کہا کہ جمہوریت کے دعویدارملک میں آزادی اظہارِ رائے پر مکمل پابندی عائد کر دی گئی ہے، انسانی حقوق کی پامالیوں میں ریکارڈ اضافہ ہوا ہے۔ انہوں نے کہا کہ فالز فلیگ آپریشن کے دفاع میں بھارتی حکومت فسطائیت پر اتر آئی ہے ،مودی نے آر ایس ایس کے نظریے کے پرچارمیں پورے خطے کے امن کو دا ؤپر لگا دیا ہے۔
