انقرہ: ترکیہ کے صوبے باتمان سے تعلق رکھنے والی ایک دلہن نے اپنے ولیمے کے موقع پر ملنے والا سونا فلسطینی عوام کی مدد کے لیے عطیہ کرتے ہوئے کہا ہے کہ امید ہے میرایہ اقدام دوسروں کے لیے بھی جذبہ ہمدردی اور یکجہتی کی تحریک بنے گا۔
غیر ملکی میڈیا کے مطابق دلہن نے اپنا نام ظاہر نہ کرنے کی درخواست کرتے ہوئے کہا کہ میںاپنی شادی کو ایک نیک مقصد کی شروعات بنانا چاہتی ہوںتاکہ غزہ کے مظلوم عوام کی مشکلات کو کم کیا جا سکے۔
انہوں نے کہا کہ "اسرائیلی” جارحیت کی وجہ سے فلسطینی عوام شدید مشکلات سے دوچار ہیں۔ واضح رہے اس سونے کی مالیت تقریبا 40 ہزار ڈالر یعنی ایک کروڑ 12 لاکھ روپے کے قریب ہے۔
