میلبرن: آسٹریلین کرکٹر ول پوکووسکی نے بین الاقوامی کرکٹ سے ریٹائرمنٹ کا اعلان کرتے ہوئے کہا ہے کہ میں دوبارہ کرکٹ نہیں کھیلوں گا ، میرے لئے یہ واقعی مشکل سال رہا ہے،سادہ پیغام یہ ہے کہ میں دوبارہ کسی بھی سطح پر نہیں کھیلوں گا۔
آسٹریلوی ریڈیو سے گفتگو کرتے ہوئے ول پوکووسکی نے کہا کہ گزشتہ سال ایک آزاد طبی پینل نے کھیل سے ریٹائر ہونے کی سفارش کی تھی اور اس کو سمجھنا میرے لئے واقعی مشکل تھا۔27 سالہ ول پوکووسکی نے 2021 میں ایس سی جی میں بھارتی ٹیم کے خلاف ڈیبیو کیا تھا جو ان کا آخری میچ بھی ثابت ہوا۔
انہوں نے کہا کہ آسٹریلیا کے لیے کھیلنا میرا ہمیشہ سے خواب تھا، میں نے خود کو 2021 میں اس پوزیشن پر پایا، میری خواہش یہیں نہیں رکی، میں بیٹنگ یونٹ کا لیڈر بننا چاہتا تھا، 100 ٹیسٹ کھیلنا چاہتا تھا لیکن بدقسمتی سے ایک ٹیسٹ میچ ہی کھیل سکا۔
یاد رہے وکٹوریہ کے بلے باز27 سالہ ول پوکووسکی نے قومی ٹیم آسٹریلیا کے لیے ایک ٹیسٹ میچ کھیلا، انہوں نے اپنا آخری میچ شیفیلڈ شیلڈ مارچ 2024 کے سیزن میں کھیلا اور اس دوران وہ ریلی میرڈیتھ بانسر ہیلمٹ پر لگنے سے چوٹ کے باعث ریٹائر ہو گئے ۔ ول پوکووسکی کو ایک ٹیسٹ میچ میں آسٹریلوی ٹیم کی نمائندگی کا اعزاز حاصل ہے۔
