نیویارک: پاکستان کے اقوام متحدہ میں سبکدوش ہونیوالے مستقل مندوب منیر اکرم کے اعزاز میں پروقار الوداعی تقریب کا انعقاد کیا گیا جس میں پاکستان کے مختلف سفارتی عہدیداروں اور اقوام متحدہ کے اعلی حکام نے شرکت کی۔
استقبالیہ میں منیر اکرم کو ان کی شاندار خدمات پر خراج تحسین پیش کیا گیا جنہوں نے عالمی سطح پر پاکستان کی نمائندگی اور سفارتی تعلقات کو مستحکم کرنے میں اہم کردار ادا کیا۔
تقریب میں شرکت پر نئے مستقل مندوب عاصم افتخار احمد کا بھی پرتپاک استقبال کیا گیا، سفیر عاصم افتخار احمد نے اقوام متحدہ میں پاکستان کے مستقل مندوب کا منصب سنبھالتے ہوئے کہا کہ منیر اکرم کی بطور سفیر خدمات کو ہمیشہ سراہتا رہوں گا اور ان کے کام سے حاصل کردہ تجربات کو اپنی ترجیحات میں شامل رکھوں گا ۔ انہوں نے پاکستان کی اقوام متحدہ میں مزید فعال اور مضبوط نمائندگی کیلئے کام کرنے کے عزم کا اعادہ کیا۔
