اسلام آباد: وزیراعظم شہباز شریف نے کہاہے کہ بلوچستان کی ترقی وفاقی حکومت کی اولین ترجیحات میں شامل ہے ،مقصد کیلئے تمام ضروری اقدامات کئے جائیں گے۔جاری بیان کے مطابق وزیراعظم شہباز شریف سے وزیر اعلی بلوچستان سرفراز بگٹی نے ملاقات کی اور عید الفطر کی مبارکباد دی۔
ملاقات میں دونوں رہنماؤں نے بلوچستان کی موجودہ اقتصادی، سماجی اور امن وامان کی صورتحال پر تفصیلی گفتگو کی جبکہ وفاقی حکومت کی جانب سے بلوچستان کیلئے جاری ترقیاتی منصوبوں پر بھی تبادلہ خیال کیا گیا۔
وزیراعلی بلوچستان نے وزیراعظم کو صوبے کی ترقی کے حوالے سے موجودہ منصوبوں کی پیشرفت سے آگاہ کیا۔وزیراعظم نے کہا کہ بلوچستان کی ترقی وفاقی حکومت کی اولین ترجیحات میں شامل ہے ،مقصد کیلئے تمام ضروری اقدامات کئے جائیں گے۔
