غزہ: غزہ میں اسرائیلی بربریت کے نتیجے میں مزید 41 فلسطینی شہید ہوگئے۔ غیر ملکی میڈیا کے مطابق اسرائیل کے بے گھر فلسطینیوں کے خیموں اور پناہ گاہوں پر وحشیانہ حملے جاری ہیں۔
گزشتہ 24گھنٹوں کے دوران اسرائیلی فورسز کی بمباری کے نتیجے میں مزید 41فلسطینی شہید ہو گئے جبکہ دو ہفتوں سے جاری حملوں میں ایک ہزار 42فلسطینی شہید جبکہ درجنوں زخمی ہوئے ہیں۔
ذرائع کے مطابق اسرائیلی حملوںمیں 320معصوم بچے بھی لقمہ اجل بنے جبکہ 609زخمی ہوئے ہیں ۔میڈیا رپورٹ کے مطابق غزہ پر اسرائیلی حملوں کے نتیجے میں اب تک شہدا کی مجموعی تعداد 50ہزار 399ہو گئی ہے جبکہ ایک لاکھ 14ہزار 583فلسطینی زخمی ہو چکے ہیں۔
