لاہور: نائب امیر جماعت اسلامی لیاقت بلوچ نے کہا ہے کہ حکومت، ریاستی اداروں ،سرکاری بھتہ خوری نے معیشت کو تباہ کر دیا ہے۔جاری بیان میں لیاقت بلو چ نے کہا کہ بلوچستان کے مخدوش حالات کا حل قومی فکر اور ملی جذبے سے نکالا جائے، خطے میں جاری گریٹ گیم کے سدباب کیلئے گریٹ اسٹریٹیجی اپنانے کی ضرورت ہے۔
انہوں نے کہا کہ سیکیورٹی اور تجارتی چیلنجز سے نمٹنے کیلئے پاکستان اور افغانستان ایک پیج پر آئیں۔انہوں نے کہا کہ حکومت، ریاستی اداروں اور سرکاری بھتہ خوری نے معیشت کو تباہ کر دیا ہے، ملک کا طاقتور طبقہ پاکستان سے دولت سمیٹ کر بیرون ملک جا رہا ہے۔
