لاہور: وزیراعلی پنجاب مریم نواز نے عید پر زیادہ کرایہ وصول کرنیوالے ٹرانسپورٹرز کیخلاف کریک ڈاؤن کا حکم دے دیا۔مریم نواز نے مقررہ کرایوں پر عمل درآمد یقینی بنانے کیلئے اقدامات کی ہدایت کرتے ہوئے کہا ہے کہ ڈپٹی کمشنرز زائد کرایوں کی وصولی روکنے کیلئے مانیٹرنگ کریں۔
انہوں نے کہا کہ گھروں کو لوٹنے والے غریب مسافروں کے استحصال کی اجازت نہیں دی جائے گی۔انہوں نے ہدایت کی ہے کہ زائد کرایہ وصول کرنے والوں کے خلاف فوری قانونی کارروائی کی جائے۔
