اسلام آباد: پاکستان میں کپاس کی سالانہ پیداوار ساڑھے 10 لاکھ بیلز کم ہوگئی۔نجی ٹی وی سے گفتگو میں معروف زرعی ماہر شہزاد علی ملک نے کہا ہے کہ معیاری ہائبرڈ بیج کے استعمال سے ہی چاول کے بعد گندم کی پیداوار میں انقلاب لایا جا سکتا ہے۔
انہوں نے کہا کہ ہم نے کپاس میں خود کفالت کیلئے پلان بنا رکھا ہے جس کے تحت پہلے مرحلے میں پنجاب اور سندھ کے 700ایکڑ پر بی ٹی کاٹن 2085 کاشت کی جائے گی ۔
انہوں نے کہا کہ کپاس کی قلت کے باعث اس کی درآمد پر سالانہ 3ارب ڈالر قیمتی زر مبادلہ ضائع ہو رہا ہے جس کو بچانے کی اشد ضرورت ہے۔واضح رہے کہ پاکستان میں کپاس کی سالانہ پیداوار 15لاکھ بیل سے کم ہو کر ساڑھے 4لاکھ بیلز پر آگئی ہے ،کپاس کی پیداوار میں مسلسل کمی سے کسان سمیت ٹیکسٹائل انڈسٹری بھی شدید مشکلات کا شکار ہے۔
