ویلنگٹن: پاکستان کرکٹ ٹیم کے بولنگ کوچ اظہر محمود نے کہا ہے کہ فاسٹ بولرز کی کارکردگی بحیثیت بولنگ یونٹ نہیںانفرادی ہورہی ہے، ایک بولر اچھی بولنگ کرتا ہے تو دوسرا اس طرح پرفارمنس نہیں دیتا، تین کے تین بولرز ایک ساتھ پرفارم کریں تو اچھا ہوگا۔
اپنے ایک بیان میں انہوں نے کہا کہ ایک میچ میں حارث نے بہت اچھی بولنگ کی، باقی نہیں کرسکے، نوجوانوں پرمشتمل ٹیم ہے،کھلاڑیوں کی انجری اور فائٹ اسپرٹ سب نے دیکھ لی، سیریز ہار گئے ہیں کسی ٹورنامنٹ سے آٹ نہیں ہوئے، ماڈرن ڈے کرکٹ میں اب 160 اسکور نہیں ہوتا،180 یا 200 پلس ہی ہوتا ہے۔
بولنگ کوچ کا کہنا تھا کہ بیٹر کو بتایا کہ پیس کے ساتھ لڑنا نہیں ہے اس کو استعمال صحیح کرنا ہے، بولرز کو بھی بتایا کہ یہاں اس طرح کی لینتھ رکھنی ہے ، ابرار کو آٹھ میچز ملے ہیں جو زیادہ نہیں ہیں۔
اظہر محمود کا کہنا تھا کہ شاہین آفریدی بدقسمت رہے ان کی گیند پر ٹاپ ایج ہوئے لیکن وکٹ نہیں ملی، نیوزی لینڈ آئے تو بہت چیلنجز کا سامنا تھا، کوشش ہوگی سیریز 3-2کرکے جائیں ، بیٹرز کو بانس اور پیس کا سامنا تھا، ماضی کی نسبت اب زیادہ بانس ہوتی ہے۔
