لاہور: نائب امیر جماعت اسلامی لیاقت بلوچ نے کہا ہے کہ ریاستی بے تدبیری سے بلوچستان میں حالات خراب ہو رہے ہیں، وزیراعظم سولر بجلی پر ابہام پیدا کرنے والوں کی نشاندہی کریں۔
جاری بیان میں لیاقت بلوچ نے کہا کہ بلوچستان میں ریاستی بے تدبیری سے حالات مزید خراب ہو رہے ہیں، جبکہ سانحہ جعفر ایکسپریس نے صورتحال کو مزید عیاں کر دیا ہے، جماعت اسلامی 14اپریل کو بلوچستان قومی کانفرنس کی میزبانی کرے گی۔
انہوں نے کہا کہ حکومت نے چینی مافیا کو 53ارب روپے سے نوازا ،سولر بجلی پر پالیسی کون بنا رہا ہے؟ وزیراعظم کو چاہئے سولر بجلی پر ابہام پیدا کرنے والوں کی نشاندہی کریں۔ انہوں نے کہا کہ حکومت نے پیٹرول اور ڈیزل پر عوام کو جان بوجھ کر ریلیف سے محروم رکھا ہے،وفاقی حکومت تیل، بجلی وگیس کی قیمتیں کم کرے۔
