غزہ: شمالی غزہ کے علاقے میں اسرائیلی فضائی حملے میں بچوں سمیت ایک ہی خاندان کے سات افراد شہید ہو گئے۔ غیر ملکی میڈیا کے مطابق متاثرہ خاندان کے رکن سامح المشہراوی نے کہا کہ میرے دو بھائی، ان کی بیویاں اور بچے بمباری کا نشانہ بنے اور سب موقع پر ہی جاں بحق ہو گئے۔
اسرائیلی حملے کے نتیجے میں بیت لاہیا اور غزہ سٹی میں پانچ دیگر فلسطینی بھی شہید ہو گئے، جن میں ایک بچہ بھی شامل ہے۔ جنوبی غزہ کے علاقے رفح میں ہونے والے فضائی حملے میں مزید دو فلسطینی جاں بحق ہوئے۔
