لاہور: وزیر اعلی پنجاب مریم نواز نے بڑھتی آبادی، موسمیاتی تبدیلیوں ،بے احتیاطی کے باعث آبی ذخائر میں کمی پر تشویش کا اظہار کرتے ہوئے کہا ہے کہ اگر آبی ذخائر کے تحفظ کیلئے بروقت اقدامات نہ کئے گئے تو آنے الی نسلیں شدید قلت کا شکار ہو سکتی ہیں۔
پانی کے عالمی دن کے موقع پر جاری بیان میں مریم نواز نے کہا کہ پانی قدرت کی انمول نعمت ہے جس کا تحفظ ہم سب کی مشترکہ ذمہ داری ہے، پانی زندگی کی علامت ہے اور آئندہ نسلوں کے محفوظ مستقبل کی ضمانت بھی ہے،نبی کریم حضرت محمد ۖنے بھی پانی کے ضیاع سے منع فرمایا اور اسی تعلیمات پر عمل کرتے ہوئے ہمیں پانی کو بچانے کیلئے عملی اقدامات کرنا ہوں گے۔
انہوں نے عوام کو متنبہ کیا کہ ہر بوند قیمتی ہے اور روزمرہ زندگی میں پانی کے ضیاع کو روکنے کیلئے شعور بیدار کرنا ہوگا،وزیر اعلی پنجاب نے بڑھتی ہوئی آبادی، موسمیاتی تبدیلیوں اور بے احتیاطی کے باعث آبی ذخائر میں تیزی سے ہونے والی کمی پر تشویش کا اظہار کیا۔
انہوں نے کہا کہ اگر آبی ذخائر کے تحفظ کیلئے بروقت اقدامات نہ کیے گئے تو آنے والی نسلیں شدید قلت کا شکار ہو سکتی ہیں۔ انہوں نے عملی اقدامات کی ضرورت پر زور دیتے ہوئے کہا کہ پانی کے مناسب استعمال اور تحفظ کیلئے فوری اور موثر حکمت عملی اپنانا ناگزیر ہے،انہوں نے تجویز دی کہ بارشی پانی کو محفوظ کرنے اور زیر زمین ٹینک بنا کر اسے آبپاشی کیلئے استعمال میں لایا جا سکتا ہے۔
انہوںنے عوام سے اپیل کی کہ پانی کی حفاظت کو اپنی ذمہ داری سمجھیں اور آج ہی پانی بچانے کے عمل کا آغاز کریں۔انہوں نے کہا ہے کہ آئندہ نسلوں کی بقاء کیلئے ہمیں پانی کو ذمہ داری سے استعمال کرنا ہو گا کیونکہ اب وقت آ گیا ہے کہ ہم اس اہم مسئلے پر سنجیدگی سے غور کریں اور عملی اقدامات کریں۔
