کراچی: پاکستان شوبز انڈسٹری کے معروف اداکار عدنان صدیقی کامنفرد لباس سوشل میڈیا صارفین کی خصوصی توجہ کا مرکز بن گیا،جس کی ویڈیوز سوشل میڈیا پر وائرل ہوگئی۔
سوشل میڈیا پر وائرل ویڈیوز میں سے ایک میں دیکھا جاسکتا ہے کہ اداکار نے سرمئی رنگ کے شلوار سوٹ اور واسکٹ کے ساتھ ہلکے ہرے رنگ کی پھولوں والی چادر اوڑھ کر گیم شو میں انٹری دی تو میزبان فہد مصطفی انہیں دیکھ کر حیران رہ گئے۔
فہد مصطفی نے عدنان صدیقی کو دیکھ کر کہا کہ آپ آج بہت اچھے لگ رہے ہیں کیونکہ آپ بالکل میری طرح ہو گئے ہیں۔ عدنان صدیقی نے اپنی یہ تعریف سن کر کہا کہ میں نے سوچا آج میں بھی آپ کی طرح گیم شو میں چادر اوڑھ کر آ جاوں اور اس کے لیے میں نے خاص طور سے یہ چادر آپ کے کمرے سے اتروائی ہے۔ جس پر فہد مصطفی نے کہا کہ بس اب پورے گیم شو کے دوران یہ چادر اسی طرح اوڑھ کر رکھنی ہے، اتارنی نہیں ہے۔
