اسلام آباد: حکومت نے رواں سال یوم پاکستان پریڈ محدود پیمانے پرروایتی جوش و جذبے کیساتھ منانے کا اعلان کیا ہے ۔ ذرائع کے مطابق رواں سال رمضان المبارک کے مقدس مہینے کے باعث 23 مارچ کو یوم پاکستان کی تقریبات محدود پیمانے پرمگر روایتی جوش و جذبے کیساتھ منانے کا فیصلہ کیا گیا ہے۔
یومِ پاکستان پریڈ ایوان صدر کے احاطے میں منعقد کی جائیگی جس میں پاکستان کی تینوں مسلح افواج کے دستے بھرپور شرکت کریں گے، صدر آصف زرداری تقریب کے مہمان خصوصی ہوں گے جبکہ مسلح افواج کے دستے انہیں سلامی پیش کریں گے۔
پاک فضائیہ کے لڑاکا طیارے بھی ایوان صدر کے سامنے فلائی پاسٹ کریں گے، جبکہ پاکستان آرمی کا مایہ ناز پائپ اینڈ پرکشن بینڈ اپنے فن کا مظاہرہ کرے گا۔ذرائع کے مطابق تقریب میں غیرملکی سفرا اور دیگر اہم شخصیات کو بھی مدعو کیا گیا ہے۔
