پشاور: مشیر اطلاعات خیبرپختونخوا بیرسٹر سیف نے کہا ہے کہ آصف زرداری بلاول کو وزیراعظم بنانے کے مشن پر ہیں، دونوں جماعتیں عوامی مینڈیٹ سے کھیلنا بند کریں ، حکمران جلد سلاخوں پیچھے، عمران خان وزیراعظم ہوں گے۔
جاری بیان میںبیرسٹر سیف نے کہاکہا کہ آصف زرداری بلاول بھٹو کو شیروانی پہنانے کے خواہش مند ہیں وہ کچھ عرصے سے بلاول کو وزیراعظم بنانے کے مشن پر ہیں۔
انہو ں نے کہا کہ گورنر پنجاب نے بلاول کے وزیر اعظم بننے کی خبر کی تصدیق کی ہے۔ انہوں نے کہا کہ دونوں سیاسی پارٹیاں عوام کے مینڈیٹ سے کھیلنا بند کریں،یہ جعلی حکمران جلد سلاخوں کے پیچھے اور بانی پی ٹی آئی وزیر اعظم ہوں گے۔
