اسلام آباد: آرمی چیف جنرل عاصم منیر نے کہا ہے کہ خط کی باتیں صرف چالیں ہیں، مجھے کسی کا کوئی خط نہیں ملا، خط ملا بھی تو نہیں پڑھوں گا، بلکہ وزیراعظم کو بجھوادوں گا۔جمعرات کووزیراعظم ہاوس میں ترک صدر کے اعزاز میں دیے گئے ظہرانے میں صحافیوں سے غیر رسمی گفتگو کرتے ہوئے آرمی چیف جنرل عاصم منیر نے کہا کہ سیکیورٹی ذرائع پہلے ہی کہہ چکے ہیں کہ کوئی خط نہیں ملا، نہ ہی اسے پڑھنے میں کوئی دلچسپی ہے۔
آرمی چیف نے کہا کہ ملک بہت اچھے انداز میں آگے بڑھ رہا ہے اورپاکستان کو آگے بڑھنا ہے، پاکستان میں ترقی ہو رہی ہے۔خیال رہے کہ گزشتہ روز پاکستان تحریک انصاف کے بانی عمران خان کی جانب سے آرمی چیف جنرل عاصم منیر کو تیسرا خط لکھے جانے کی خبر سامنے آئی تھی۔
