پشاور: مشیر اطلاعات خیبر پختونخوا بیرسٹر سیف نے کہا کہ فارم47حکومت کی بنیادیں کھوکھلی ہو چکیں، صرف ایک دھکا درکار ہے،جعلی نظام کے خاتمے کے بعد حکمرانوں کا سخت احتساب کیا جائے گا۔جاری بیان میں بیرسٹر سیف نے کہا کہ پی ٹی آئی کارکنوں کی پکڑ دھکڑ قابل مذمت ہے، عوام نے دفعہ 804نافذ کی ہے، آج حکمرانوں سے نجات کے عہد کی تجدید کا دن ہے، آج کے دن جمہوریت پر شب خون مار کر فارم 47کے ذریعے حکومت قائم کی گئی۔
انہوں نے کہا کہ حکمرانوں کے احتساب کا وقت قریب آ چکا ہے، اس حکومت کی بنیادیں کھوکھلی ہو چکی ہیں، اب صرف ایک دھکا درکار ہے، جعلی نظام کے خاتمے کے بعد حکمرانوں کا سخت احتساب کیا جائے گا۔
