پشاور: ترجمان خیبر پختونخوا حکومت بیرسٹر سیف نے کہا ہے کہ عمران خان کے خط سے جعلی حکومت کے ہوش اڑ گئے، رہائی پر حالت کیا ہوگی؟۔ جاری بیان میں بیرسٹر سیف نے کہا کہ عمرن خان کے خط لکھنے سے جعلی حکومت کے جعلی وزراء کے پیٹ میں مروڑ اٹھ رہے ہیں،خط لکھنے کے بعد سے شریف خاندان کی نیندیں حرام ہو گئی ہیں ،نواز شریف اور مریم نواز کی کانپیں ٹانگ رہی ہیں۔
انہوں نے کہا کہ خط متعلقہ حکام کو موصول ہونے سے پہلے ہی جعلی وزراء نے پروپیگنڈا شروع کر دیا ہے۔انہوںنے کہا کہ جعلی حکومت کے ہوش ایک خط لکھنے سے ہی اڑ گئے ہیں، پتا نہیں عمران خان کے رہا ہونے کے بعد جعلی حکومت کی کیا حالت ہوگی۔انہوں نے کہا کہ عمران خان کے رہا ہونے کے بعد جعلی حکومت کو تمام اوچھے ہتھکنڈوں اور تمام غیر قانونی اقدامات کا حساب دینا ہوگا۔
