اسلام آباد: وفاقی وزیر خزانہ سینیٹر محمد اورنگزیب نے کہا ہے کہ معاشی شعبے میں بنیادی اصلاحات پر عمل پیرا ہیں،ٹیکس دائرہ بڑھانے کیلئے اقدامات کررہے ہیں۔
جمعرات کو اسلام آباد میں بریتھ پاکستان کانفرنس سے اظہار خیال کرتے ہوئے سینیٹر محمد اورنگزیب نے کہا ہے کہ ماحولیاتی تبدیلیوں سے پاکستان بہت متاثر ہوا ہے، ماحولیاتی فنڈ کے قیام کے بعد متاثر ہ ممالک کی مدد ضروری ہے، ماحولیاتی چیلنجز سے نمٹنے کیلئے مزید اقدامات پر توجہ دینا ہو گی۔
انہوں نے کہا کہ معاشی شعبے میں بنیادی اصلاحات پر عمل پیرا ہیں،جس سے اہم کامیابیاں حاصل ہوئی ہیں۔ انہوں نے کہا کہ رائٹ سائزنگ پالیسی کے تحت بعض وزارتوں کو ضم کیا جا رہا ہے، ٹیکس کا دائرہ بڑھانے کیلئے اقدامات کررہے ہیں۔
