راولپنڈی: سکیورٹی فورسز نے ژوب میں خارجیوں کی پاکستان میں داخل ہونے کی کوشش کو ناکام بنا دیا۔پاک فوج کے شعبہ تعلقات عامہ (آئی ایس پی آر)کے مطابق گزشتہ شب ضلع ژوب میں سمبازا کے علاقہ میں خارجیوں کی پاکستان میں داخل ہونے کی کوشش کی، جوانوں نے بڑی کامیابی سے خارجیوں کے داخل ہونے کی کوشش ناکام بنائی، اس دوران فائرنگ کے شدید تبادلے میں 5 خوارجی ہلاک ہو گئے۔
پاک فوج کے شعبہ تعلقات عامہ کے مطابق سکیورٹی فورسز دہشت گردی کے خاتمے اور سرحدوں کو محفوظ بنانے کے لیے پرعزم ہیں، پاکستان بارہا افغان عبوری حکومت کو سرحد پر موثر انتظام کرنے کا کہہ چکا ہے، امید ہے افغان عبوری حکومت اس حوالے سے اپنی ذمہ داری پوری کرے گی۔
آئی ایس پی آر کا کہنا ہے کہ امید ہے افغان عبوری حکومت پاکستان کے خلاف دہشت گردی کے لیے اپنی سرزمین استعمال کرنے کی اجازت نہیں دے گی۔
