کراچی: چیئرمین پیپلز پارٹی بلاول بھٹو کی ہدایت پر سندھ حکومت نے کراچی میں جدید میڈیا یونیورسٹی بنانے کا اعلان کردیا۔ ترجمان سندھ حکومت مصطفی عبداللہ بلوچ نے بتایا ہے کہ سندھ حکومت نے چیئرمین پیپلز پارٹی بلاول بھٹو کی ہدایت پر تاریخ اور ثقافتی ورثے کے فروغ کیلئے میڈیا یونیورسٹی کا قیام عمل میں لانے کا فیصلہ کیا ہے، بلاول بھٹو نے وزیراعلی مراد علی شاہ کو منصوبے کے آغاز کی ہدایت کردی دی ہے۔
انہوںنے بتایا کہ میڈیا یونیورسٹی کے ذریعے سندھ کی تاریخی و ثقافتی میراث کو عالمی سطح پر اجاگر کیا جائے گا۔انہوں نے کہا کہ سندھ حکومت نے پبلک پرائیویٹ پارٹنرشپ کے تحت کئی منصوبے مکمل کئے ہیں، میڈیا یونیورسٹی بھی عوامی و نجی شراکت داری کے تحت قائم کی جائے گی جو سندھ کے عوام کیلئے ترقی، تخلیق اور ثقافتی فخر کا نیا مرکز ہوگی۔
