لاہور: پنجاب سمیت ملک کے مختلف شہر وں میں شدید دھند کے باعث حد نگاہ کم ہونے پر موٹر ویز متعدد مقامات سے بند کر دی گئیں۔
ترجمان موٹر وے پولیس کے مطابق دھند کے باعث موٹر وے ایم 2لاہور سے کوٹ مومن، موٹر وے ایم 3سمندری سے درخانہ ، ایم 4گوجرہ سے ملتان تک ،موٹر وے ایم 5 ملتان سے روہڑی تک ٹریفک کیلئے بند کردی گئی ہے ،اس کے علاوہ قومی شاہراؤں پر بھی حد نگاہ کم ہونے سے ٹریفک کی روانی متاثر ہے جس سے مسافروں کو مشکلات کا سامنا ہے۔
موٹر وے پولیس نے کہا ہے کہ ڈرائیور حضرات اپنی گاڑیوں میں آگے اور پیچھے دھند والی فوگ لائٹس کا استعمال کریں تاکہ دیگر گاڑیوں کو بہتر طور پر دیکھا جا سکے، غیر ضروری سفر سے گریز، تیز رفتاری سے پرہیز کریں اور اگلی گاڑی سے مناسب فاصلہ رکھیں۔
