شنگھائی(شِنہوا)چین میں تعلیم حاصل کرنے والے پاکستانی طالب علم معاذ اعوان نے کہا ہے کہ چینی زلزلہ انجینئرنگ سمولیشن مرکز دنیا اور پاکستان کی ترقی میں اہم حصہ ڈال رہا ہے۔ معاذ نے حال ہی میں چین کے شہر شنگھائی میں تھیانجن یونیورسٹی کے بڑے پیمانے پر زلزلے کی فیسلٹی (مرکز) کا حصہ بننے کا انکشاف کیا ہے جسکی تیاری کے دوران انہوں نے خود حصہ لیا تھا۔
زلزلے سے نمٹنے کے بڑےانجینئرنگ تحقیقی مرکز کے طور پر نمایاں کارکردگی کےاشاریے اور مضبوط تجرباتی صلاحیتوں کا حامل یہ مرکز "قومی خزانے” کی طرح بڑے سول اور ہائیڈرالک انجینئرنگ منصوبوں کی حفاظت یقینی بنانے کے لئے انتہائی اہمیت کا حامل ہے۔ یہ بیلٹ اینڈ روڈ انیشی ایٹو کی اعلیٰ معیار کی ترقی کو فروغ دینے والا ایک اہم قومی سائنسی اور تکنیکی سہولت بن گیا ہے۔
تھیانجن یونیورسٹی کے نیشنل فیسیلٹی آف ارتھ کوئیک انجینئرنگ اینڈ سمولیشن کے محقق معاذ اعوان نے کلیدی مقرر کی حیثیت سے سامعین کو تھیانجن یونیورسٹی کے اس تحقیقی فیسلٹی کا تعارف کرایا، جو ایک اہم قومی سائنسی اور تکنیکی سہولت ہے۔ چینی زبان میں اپنی تقریر میں انہوں نے چینی سائنس اور ٹیکنالوجی کی تیز رفتار ترقی کا مکمل احاطہ کیا اور حاضرین سے متعدد بار داد وصول کی۔
معاذ اعوان نے 10 سال سے زیادہ عرصے تک چین کے کئی شہروں میں تعلیم حاصل کی ہے اور وہ چین کے بارے میں ایک حقیقی ماہر ہیں۔معاذ اعوان کے والد ضمیر اعوان پاکستان کی نیشنل یونیورسٹی آف سائنسز اینڈ ٹیکنالوجی میں چینی تحقیقی مرکز کے ڈپٹی ڈائریکٹر اور پاکستان تھنک ٹینک گلوبل سلک روڈ ریسرچ الائنس کے بانی چیئرمین تھے اور وہ 1980 کی دہائی میں زبان اور ثقافت کا مطالعہ کرنے کے لئے چین آئے تھے۔ انہوں نے چین کی اصلاحات اور وسعت کے عظیم عمل کا مشاہدہ کیا تھا۔
بڑے پیمانے کے اس ارتھ کوئیک انجینئرنگ سمولیشن ریسرچ فیسلٹی نے حال ہی میں قومی منظوری حاصل کی جس کے بعد اسے بروئے کار لایا گیا۔ یہ مرکز ٹیبل ٹاپ سائز اور وزن کی صلاحیت کے لحاظ سے دنیا کی سب سے بڑی زلزلے کی سمولیشن کی حامل ہلنے والی میز سے لیس ہے اور دنیا کی پہلی زیر آب ہلنے والی ٹیبل کی تہہ سے بھی لیس ہے، جو زلزلوں کے دوران انجینئرنگ ڈھانچے کے نقصان کا مشاہدہ اور تجزیہ کرسکتی ہے۔ اسے چین میں زلزلہ انجینئرنگ کے میدان میں پہلے بڑے قومی سائنسی اور تکنیکی سہولت کے طور پر سمجھا جاتا ہے۔ یہ سول اور ہائیڈرالک انجینئرنگ کے بڑے منصوبوں کی حفاظت کو یقینی بنانے کے لئے بہت اہمیت کا حامل ہے اور بیلٹ اینڈ روڈ انیشی ایٹو کی اعلیٰ معیار کی ترقی کو فروغ دینے والا ایک اہم قومی سائنسی اور تکنیکی بنیادی ڈھانچہ بن گیا ہے۔
معاذ اعوان نے شِنہوا کو بتایا کہ اگرچہ پاکستان اور چین 2 مختلف ممالک ہیں لیکن ہمارے درمیان بہت سی ثقافتی مماثلت اور مشترکہ اقدار ہیں۔ تحقیقی منصوبے میں شرکت کے دوران وہ چینی سائنسی محققین کے جذبے سے بہت متاثر ہوئے۔ چین اور پاکستان نے 5 نئے معاہدوں پر دستخط کئے ہیں جن کا مقصد چین پاکستان بیلٹ اینڈ روڈ مشترکہ لیبارٹری کے ذریعے بڑے تعمیراتی ڈھانچوں کو قدرتی آفات سے محفوظ رکھنے کی مشترکہ کوششوں کو آگے بڑھانا ہے۔ انہوں نے کہا کہ بیلٹ اینڈ روڈ انیشی ایٹو کے تحت چین پاکستان اقتصادی راہداری کی کامیابیوں سے پاکستانی عوام مستفید ہو رہے ہیں۔ زلزلے کی سہولت کے سرکاری آپریشن کے بعد اس کا کردار نہ صرف انفرادی انجینئرنگ منصوبوں کی توثیق تک محدود ہے بلکہ زلزلہ انجینئرنگ کے میدان میں اہم سائنسی امور پر تحقیق کو آسان بنانے میں بھی ہے۔ مجھے امید ہے کہ مستقبل میں، میں چین اور پاکستان دونوں میں زلزلہ انجینئرنگ سمولیشن میں اپنا حصہ ڈال سکتا ہوں اور مشترکہ طور پر بڑے عالمی منصوبوں کی ترقی کو فروغ دے سکتا ہوں۔
یہ عیاں ہے کہ "چین کا مشاہدہ” پروگرام معاشرے کے معمولات اور ثقافت کے تجربے کا ایک سلسلہ ہے، جس کا مقصد چین میں تعلیم حاصل کرنے والے بین الاقوامی طالب علموں کو چینی ثقافت، رسم و رواج اور نئے دور میں ترقی کو ان کے اضافی وقت میں زیادہ تفصیل سے سمجھنے کاموقع دینا ہے۔
