نیو یارک: اداکارفہد مصطفی نے خاتون مداح کی جانب سے نیک خواہشات پر شکریہ ادا کرتے ہوئے کہا کہ میرے لیے دعائیں مانگنے کے لیے آپ کا بہت شکریہ اور اگر آپ لوگوں کی دعائیں ہمارے ساتھ ہیں تو پھر ہمیں ملین ڈالرز کی ضرورت نہیں ہے۔
پاکستان شوبز انڈسٹری کے معروف میزبان و اداکار فہد مصطفی کی سوشل میڈیا پر ایک ویڈیو وائرل ہو رہی ہے۔ اس وائرل ویڈیو میں نیویارک میں فہد مصطفی اور ہانیہ عامر کے مداحوں سے ملاقات کے لیے منعقد کیے گئے سیشن کے دوران ایک خاتون مداح کو دونوں اداکاروں کے لیے اپنی نیک تمناوں کا اظہار کرتے ہوئے دیکھا جاسکتا ہے۔ خاتون مداح نے اداکارفہد مصطفی کے لیے نیک خواہشات کا اظہار کرتے ہوئے کہا کہ میں نے تمہارے لیے ہمیشہ بہت ساری دعائیں مانگی ہیں ، میں نے تمہارے بارے میں یہ سنا ہوا ہے کہ تم تہجد گزار نمازی ہو، میری دعا ہے کہ تم اسی طرح نماز کی پابندی ہمیشہ کرتے رہو، دین اور دنیا دونوں کو ساتھ لے کر چلو۔
