لاہور: سابق ٹیسٹ کپتان راشد لطیف نے کہاکہ بابر اعظم ایک بہترین بیٹر ہیں ، نمبر 3پر ان کا ریکارڈ زیادہ متاثر کن دکھائی نہیں دیتا۔ نجی ٹی وی پرو گرام میں گفتگو کرتے ہوئے راشد لطیف نے کہا کہ بابر اعظم نے ٹیسٹ کرکٹ میں سب سے زیادہ 2486 رنز نمبر4 پوزیشن پر کھیلتے ہوئے بنائے،جہاں انہوں نے 52 اننگز میں 7 سنچریاں اور 14 نصف سنچریاں اسکور کر رکھی ہیں۔
انہوں نے بتایا کہ سابق ٹیسٹ کپتان بابر اعظم نے ٹیسٹ کرکٹ میں 19 مرتبہ نمبر 3 پوزیشن پر بیٹنگ کی ہے،جہاں انہوں نے 30.00 کی اوسط سے 510 رنز اسکور کر رکھے ہیں۔
