لاہور: پاکستانی اداکار عمر عالم کی دوران پرواز اپنی محبوبہ کو پروپوز کرنے کی ویڈیو سوشل میڈیا پر وائرل ہو گئی۔پاکستانی اداکار و رئیلٹی شو تماشہ سیزن 1 کے ونر عمر عالم نے فوٹو اینڈ ویڈیو شیئرنگ پلیٹ فارم انسٹاگرام پر ویڈیو شیئر کی ہے جس میں دیکھا جا سکتا ہے کہ عمر عالم نے دورانِ پرواز بھرے ہوئے جہاز میں اپنی محبوبہ سے اظہارِ محبت کرتے ہوئے خوبصورت و رومانوی انداز میں انگوٹھی پیش کرتے ہوئے شادی کے لیے انہیں پروپوز کیا ہے۔
انسٹا پوسٹ کے کیپشن میں انہوں نے لکھا کہ اس نے ہاں کہہ دی، اب یہ آفیشل ہو گیا ہے۔خیال رہے کہ سیالکوٹ سے تعلق رکھنے والے اداکار عمر عالم شوبز انڈسٹری کا ابھرتا ہوا نام ہیں۔ انہوں نے رئیلٹی شو تماشہ سیزن 1 سے شہرت حاصل کی جبکہ ان کے مشہور ڈراموں میں پہلی سی محبت، رقصِ بسمل، گرو سمیت دیگر شامل ہیں۔
