پاکستان اور زمبابوے کے درمیان دوسرا ٹی ٹوئنٹی میچ آج بلاوائیو میں کھیلا جائے گا۔
پاکستان نے وننگ کمبی نیشن کو برقرار رکھا ہے، گرین شرٹس کو تین میچز کی سیریز میں ایک صفر کی برتری حاصل ہے۔
دوسرے ٹی ٹوئنٹی کے لیے پاکستان کی فائنل الیون کا اعلان بھی کردیا گیا ہے جس کے مطابق سلمان علی آغا کپتان ہوں گے۔
دیگر کھلاڑیوں میں صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔
پاکستانی وقت کے مطابق میچ شام ساڑھے چار بجے شروع ہوگا۔ پاکستان اور زمبابوے کے درمیان سیریز کے تمام میچز جیو سوپر براہ راست نشر کر رہا ہے۔
