تہران: ایران اور 3 یورپی ممالک کے درمیان مذاکرات 25 جولائی بروز جمعہ کو ترکیہ کے شہر استنبول میں ہوں گے۔ترجمان ایرانی وزارت خارجہ کے مطابق یہ مذاکرات ایران، برطانیہ، فرانس اور جرمنی کے نائب وزرائے خارجہ کے درمیان ہوں گے۔
غیر ملکی میڈیا کے مطابقایرانی وزیرخارجہ عباس عراقچی نے کہا ہے کہ ایران پرانے معاہدے پر واپس نہیں جائے گا۔برطانیہ، جرمنی اور فرانس کے پاس 2015معاہدے کو نافذ کرنے کیلئے قانونی، سیاسی اور اخلاقی جواز نہیں۔
عباس عراقچی نے کہا کہ یورپی ملکوں نے ایران کیخلاف اسرائیل اورامریکا کی جارحیت کی حمایت کی تھی ۔ خیال رہے تینوں یورپی ممالک نے خبردار کیا تھا کہ جوہری مذاکرات کی بحالی میں ناکامی ایران پر عالمی پابندیوں کا باعث بنے گی۔
