اسلام آباد: وزیر اعظم شہباز شریف نے سعودی شہزادے الولید بن خالد بن طلال کے انتقال پر تعزیت کا اظہار کیاہے۔ سوشل میڈیا سائٹ ایکس پر جاری بیان میں وزیراعظم نے لکھا کہ شہزادہ الولید بن خالد بن طلال کے انتقال کا سن کر انتہائی دکھ ہوا، ان کی طویل اور دلیرانہ جدوجہد نے دنیا بھر سے لوگوں کی دعائیں اور ستائش حاصل کی۔
انہوں نے کہا کہ ہم خادم الحرمین الشریفین شاہ سلمان بن عبدالعزیز السعود، ولی عہد شہزادہ محمد بن سلمان، شاہی خاندان اور برادر ملک سعودی عرب کے عوام سے دلی تعزیت کا اظہار کرتے ہیں۔وزیر اعظم نے لکھا کہ اللہ تعالی مرحوم کو جنت الفردوس میں اعلی مقام عطا فرمائے۔
