نیو یارک نائب وزیراعظم و وزیر خارجہ اسحاق ڈار سلامتی کونسل کے اعلی سطح اجلاس کی صدارت کیلئے نیویارک پہنچ گئے۔ سوشل میڈیا سائٹ ایکس پر جاری بیان میں ترجمان دفتر خارجہ نے بتایا کہ نائب وزیراعظم و وزیر خارجہ سینیٹر اسحاق ڈار سرکاری دورے پر نیویارک پہنچے ہیں جہاں پاکستان کے مستقل مندوب عاصم افتخار احمد اور امریکہ میں پاکستانی سفیر رضوان سعید شیخ نے ان کا استقبال کیا۔
ترجمان کے مطابق نیو یارک میں نائب وزیراعظم اقوامِ متحدہ کی سلامتی کونسل میں پاکستان کے نمایاں اجلاسوں کی صدارت کریں گے اور نیویارک و واشنگٹن ڈی سی میں اعلی حکام سے دوطرفہ اہم ملاقاتیں کریں گے۔ ترجمان کے مطاق سینیٹر اسحاق ڈار دو ریاستی حل سے متعلق بین الاقوامی کانفرنس میں پاکستان کی نمائندگی بھی کریں گے، جس کی میزبانی سعودی عرب اور فرانس مشترکہ طور پر کر رہے ہیں۔
