تہران (شِنہوا) ایرانی ذرائع ابلاغ کے مطابق ایران کے مرحوم سپریم لیڈر علی خامنہ ای کی تجہیز و تکفین 4 جولائی سے تہران میں شروع ہو گی۔
علی خامنہ ای کی یاد میں قائم ہیڈکوارٹر کی جانب سے جاری بیان کے مطابق 4 اور 5 جولائی کو تہران میں امام خمینی مصلیٰ میں الوداعی تقریبات منعقد کی جائیں گی، جس کے بعد 6 اور 7 جولائی کو دارالحکومت تہران اور وسطی شہر قم میں جنازے کے جلوس نکالے جائیں گے۔
بیان کے مطابق آخری تقریب 9 جولائی کو شمال مشرقی شہر مشہد میں منعقد ہوگی، جس کے بعد مرحوم رہنما کو اسی روز اسی شہر میں امام رضا کے روضہ مبارک میں سپردِ خاک کیا جائے گا۔ امام رضا اہل تشیع کے آٹھویں امام ہیں۔
ایران کے طویل عرصے تک سپریم لیڈر رہنے والے علی خامنہ ای 28 فروری کو امریکہ اور اسرائیل کے مشترکہ فضائی حملے میں شہید ہو گئے تھے۔ ان کے صاحبزادے مجتبیٰ خامنہ ای کو مارچ کے اوائل میں ایران کا نیا سپریم لیڈر منتخب کیا گیا تھا۔
