جدہ (شِنہوا) جدہ میں چینی زبان کا عالمی دن 2026 منانے کی غرض سے ایک ہزار سے زائد افراد جمع ہوئے۔ اس موقع پر چینی قونصل خانے، شاہ عبدالعزیز یونیورسٹی اور چینی تعلیمی اداروں کے اشتراک سے منعقدہ تقریب میں ثقافتی سرگرمیوں اور فن کے مظاہروں کا اہتمام کیا گیا۔
"چینی، رنگین خوابوں کو جگانا” کے عنوان سے منعقدہ اس تقریب میں سعودی اور چینی برادری کے افراد نے شرکت کی۔ شرکاء نے خطاطی، کاغذ تراشی کے فن اور لاک سے بنے پنکھوں کی تیاری جیسی سرگرمیوں میں حصہ لیا جبکہ مصنوعی ذہانت پر مبنی ترجمہ نمائشیں اور جدید توانائی کی گاڑیوں پر مشتمل انٹرایکٹو مظاہرے بھی پیش کئے گئے۔
چین کے قونصل جنرل یانگ یی نے کہا کہ سعودی عرب میں چینی زبان سیکھنے کا رجحان مسلسل بڑھ رہا ہے۔ انہوں نے اسے بیلٹ اینڈ روڈ انیشی ایٹو اور سعودی وژن 2030 کے تحت بیجنگ اور ریاض کے درمیان بڑھتے ہوئے تعلقات کے تناظر میں "مستقبل کی زبان” قرار دیا۔
سعودی وزارت میڈیا کی مکہ شاخ کے ڈائریکٹر جنرل عبد الخالق الزہرانی نے کہا کہ زبان "صرف رابطے کا ذریعہ نہیں بلکہ مختلف ممالک کے لوگوں کو جوڑنے والا ایک پل بھی ہے۔”
افتتاحی تقریب میں سعودی طلبہ کی جانب سے چینی زبان میں تقاریر اور شاعری پیش کی گئی جبکہ ایرہو موسیقی اور کرتب کے مظاہرے بھی پیش کئے گئے۔
