ٹوکیو (شِنہوا) جاپان کے دارالحکومت ٹوکیو کے مصروف ضلع شینجوکو میں سینکڑوں جاپانی شہری جمع ہوئے، جو ہاتھوں میں پلے کارڈز اٹھائے ہوئے تھے اور جاپانی حکومت سے چین سے معافی مانگنے کا مطالبہ کر رہے تھے۔ یہ احتجاج اس واقعے کے بعد ہوا جب جاپان کی سیلف ڈیفنس فورسز (ایس ڈی ایف) کے ایک حاضر سروس افسر چینی سفارت خانے میں زبردستی داخل ہوا۔
شرکاء نے پلے کارڈز اٹھا رکھے تھے جن پر "ایس ڈی ایف افسر کے افسوسناک عمل پر معافی مانگو”، "افسوسناک واقعے کی ذمہ داری لو” اور "ہم حکومت کی جانب سے چین سے معافی مانگتے ہیں” کے نعرے درج تھے۔ یہ تمام مطالبات جاپانی حکومت اور وزیرِاعظم سنائی تاکائیچی سے کئے گئے۔
چینی سفارت خانے کے مطابق ایک شخص جو خود کو جاپان کی سیلف ڈیفنس فورسز کا حاضر سروس افسر بتا رہا تھا، منگل کی صبح سفارتخانے کی دیوار پھلانگ کر زبردستی داخل ہوا اور چینی سفارتی عملے کو قتل کرنے کی دھمکی دی۔
چینی سفارت خانے نے جاپانی حکومت سے سخت احتجاج کیا اور مطالبہ کیا کہ وہ ذمہ دارانہ وضاحت پیش کرے۔
اب تک جاپانی حکومت نے صرف اس واقعے کوافسوسناک قرار دیا ہے مگر معافی یا کسی ذمہ داری کا کوئی اعلان نہیں کیا۔
