بیجنگ (شِنہوا) رواں سال کے پہلے 2 ماہ کے دوران چین کی خام تیل کی پیداوار دوبارہ ترقی کی راہ پر گامزن ہو گئی ہے جبکہ خام تیل کی پروسیسنگ اور قدرتی گیس کی پیداوار میں بھی اضافہ جاری رہا۔
قومی ادارہ شماریات (این بی ایس) کی جانب سے پیر کو جاری کردہ اعداد و شمار کے مطابق جنوری سے فروری تک چین کی صنعتی خام تیل کی پیداوار 3 کروڑ 57 لاکھ 30 ہزار ٹن رہی جو گزشتہ سال کے اسی عرصے کے مقابلے میں 1.9 فیصد زائد ہے۔ اس طرح دسمبر 2025 میں ہونے والی 0.6 فیصد کی گراوٹ کا رجحان ختم ہو گیا ہے۔ یومیہ اوسط پیداوار 6 لاکھ 6 ہزار ٹن ریکارڈ کی گئی۔
اس دوران خام تیل کی پروسیسنگ میں بھی مستقل اضافہ دیکھا گیا۔ صنعتی ریفائنریوں میں خام تیل کی مجموعی کھپت 12 کروڑ 26 لاکھ 30 ہزار ٹن تک پہنچ گئی جو گزشتہ سال کی نسبت 2.9 فیصد اضافہ ظاہر کرتی ہے۔ یومیہ اوسطاً 20 لاکھ 79ہزار ٹن تیل صاف کیا گیا۔
این بی ایس کے مطابق قدرتی گیس کی پیداوار میں بھی مستقل اضافہ جاری رہا۔ مخصوص حجم سے بڑی صنعتی کمپنیوں کی پیداوار پہلے دو ماہ میں 44.6 ارب کیوبک میٹر رہی، جو گزشتہ سال کے مقابلے میں 2.9 فیصد زائد ہے۔ قدرتی گیس کی یومیہ اوسط پیداوار 76 کروڑ مکعب میٹر رہی۔
