پاکستان شوبز انڈسٹری کی مقبول اداکار جوڑی اقرا عزیز اور یاسر حسین کے گھر دوسرے بچے کی آمد ہوئی ہے۔
اداکار یاسر حسین نے ہفتے اور اتوار کی درمیانی شب 24جنوری کو انسٹاگرام سٹوری کے ذریعے اس خوشگوار خبر کا اعلان کرتے ہوئے بتایا کہ انکے ہاں بیٹی کی پیدائش ہوئی ہے اور ننھی مہمان 24 جنوری کو دنیا میں آئی۔
یاسر حسین کی جانب سے شیئر کی گئی سٹوری دیکھتے ہی دیکھتے سوشل میڈیا پر وائرل ہوگئی جس کے بعد شوبز شخصیات اور مداحوں کی جانب سے مبارکبادوں کا سلسلہ شروع ہوگیا، مداحوں کی بڑی تعداد نے جوڑے کے لیے نیک تمناں کا اظہار کرتے ہوئے ننھی پری کے لیے دعائیں بھی کیں۔
اداکار نے اپنی انسٹا سٹوری میں اہلیہ اقرا عزیز کو ٹیگ کرکے انکا شکریہ بھی ادا کیا۔
اقرا عزیز اور یاسر حسین کی یہ خوشخبری اسلئے بھی خاص سمجھی جا رہی ہے کیونکہ کچھ ہفتے قبل دونوں نے مداحوں کو عندیہ دیا تھا کہ وہ جلد ایک بڑی خوشخبری شیئر کرنیوالے ہیں جس کے بعد سے سوشل میڈیا صارفین قیاس آرائیاں کر رہے تھے۔
واضح رہے کہ یاسر حسین اور اقرا عزیز نے دسمبر 2019 میں شادی کی تھی اور اس جوڑی کے ہاں جولائی2021 میں پہلے بیٹے کبیر حسین کی پیدائش ہوئی تھی۔
