امریکا کے شہر لاس اینجلس میں ایرانی حکومت کیخلاف جاری مظاہرے کے دوران ٹرک کی ٹکر سے متعدد مظاہرین زخمی ہوگئے۔
غیر ملکی میڈیا کے مطابق 2 زخمیوں کو ہسپتال منتقل کیا گیا ہے جبکہ دیگر زخمیوں کو ایمبولنس میں طبی امداد دی گئی۔
ایران میں ہونیوالے مظاہروں کی حمایت میں ویسٹ ووڈ کے قریب درجنوں لوگ جمع ہوئے تھے جہاں یہ واقعہ پیش آیا۔
میڈیا کے مطابق ٹرک ڈرائیور کو موقع پر گرفتار کر لیا گیا ہے جس سے تفتیش کی جارہی ہے، حکام جاننے کی کوشش کر رہے ہیں کہ یہ حادثہ تھا یا جان بوجھ کر کیا گیا، واقعے کی مزید تفصیلات جاری نہیں کی گئیں۔
