وفاقی آئینی عدالت نے سپریم کورٹ میں موجود 79 کروڑ 42 لاکھ روپے کی رقم دوبارہ سرمایہ کاری کیلئے لگانے کا حکم جاری کر تے ہوئے ہدایت کی ہے کہ رقم کی نیشنل بینک کے ذریعے ٹریژری بلز میں دوبارہ سرمایہ کاری کی جائے۔
عدالت نے سپریم کورٹ سے مذکورہ رقم طلب کرنے اور رجسٹرار کو فوری ضروری اقدامات کرنے کا بھی حکم دیا ہے۔
نیشنل بینک حکام کے مطابق وفاقی آئینی عدالت کے حکم کے بغیر رقم کی دوبارہ سرمایہ کاری ممکن نہیں تھی جبکہ رقم کی آخری سرمایہ کاری 4ستمبر 2025کو ٹریژری بِلز میں کی گئی تھی جو 27نومبر 2025کو میچور ہو چکی تھی۔
وفاقی آئینی عدالت کی جانب سے حکم ایس بی کمپلیکس اونرز ویلفیئر ایسوسی ایشن کی درخواست پر جاری کیا گیا جس کی سماعت چیف جسٹس امین الدین کی سربراہی میں تین رکنی بنچ نے کی جبکہ عدالت نے کیس کی سماعت فروری کے پہلے ہفتے تک ملتوی کر دی ہے۔
