آسٹریلیا کے پاکستانی نژاد ٹیسٹ کرکٹر عثمان خواجہ نے انٹرنیشنل کرکٹ سے سبکدوش ہونے کا اعلان کرتے ہوئے کہا ہے کہ وہ ایشیز سیریز کا سڈنی میں پنک ٹیسٹ کھیلنے کے بعد ریٹائر ہو جائینگے۔
انہوں نے سڈنی کرکٹ گراونڈ سے فرسٹ کلاس کرکٹ کا آغاز کیا اور 88واں ٹیسٹ میچ کھیل کر ریٹائر ہوجائینگے۔
39سالہ عثمان خواجہ نے 2011میں ڈیبیو کیا اور 15سالہ ٹیسٹ کیرئیر میں 6ہزار سے زائد رنز بنائے۔
کرکٹ آسٹریلیا کے مطابق عثمان خواجہ نے عثمان خواجہ فاونڈیشن کے ذریعے آف دی فیلڈ ایک میراث قائم کی، وہ آسٹریلیا کے پہلے پاکستانی نژاد اور پہلے مسلمان ٹیسٹ کرکٹر ہیں، وہ 2023میں آئی سی سی ٹیسٹ کرکٹر اور شین وارن ٹیسٹ کرکٹر آف دی ایئر قرار پائے، 2023میں آئی سی سی ٹیسٹ چیمپئین شپ جیتنے والی آسٹریلوی ٹیم کا حصہ بھی تھے۔
عثمان خواجہ نے کہا کہ آسٹریلیا کی طرف سے زیادہ میچز کھیلنے کی وجہ سے خوش قسمت ہوں، مجھے امید ہے کہ میں نے لوگوں کو متاثر کیا ہوگا۔
سی ای او کرکٹ آسٹریلیا ٹود گرین برگ نے کہا عثمان خواجہ نے آسٹریلوی کرکٹ میں غیر معمولی پرفارمنس سے بہت حصہ ڈالا، عثمان خواجہ فاونڈیشن کے نام سے انہوں نے اپنا تاثر قائم کیا وہ ہمارے ایک سٹائلش اور شاندار بیٹسمین ہیں، آسٹریلیا کرکٹ کی جانب سے میں عثمان خواجہ کا شکریہ ادا کرتا ہوں اور انہیں کامیابیوں پر مبارکباد دیتا ہوں۔
