متحدہ عرب امارات میں نئے سال سے قبل گرد و غبار کے شدید طوفان کا خدشہ ہے جس کے باعث عوام خاص طور پر گاڑی چلانے والوں کیلئے اہم ہدایات جاری کی گئی ہیں۔
نیشنل سینٹر آف میٹرولوجی نے الرٹ جاری کرتے ہوئے کہا ہے کہ تیز ہوائیں آنیوالے دنوں میں حد نگاہ کو متاثر کر سکتی ہیں جس کے پیش نظر ڈرائیونگ کے دوران خطرناک صورتحال پیدا ہو سکتی ہے۔
محکمہ موسمیات کی جانب سے شہریوں کو گرد آلود موسم میں غیر ضروری طور پر باہر نکلنے سے گریز اور گھروں اور عمارتوں کے دروازے اور کھڑکیاں بند رکھنے کی ہدایت کی گئی ہے۔
غیر ملکی میڈیا کے مطابق این سی ایم نے سمندر کے کنارے جانیوالوں کو بھی خبردار کیا ہے کہ تیز ہواں کے باعث سمندر میں شدید طغیانی کا امکان ہے خاص طور پر بحیرہ عمان میں حالات زیادہ خراب ہو سکتے ہیں اس سلسلے میں سات فٹ تک اونچی لہروں کے خدشے کے پیش نظر یلو الرٹ جاری کیا گیا ہے۔
