پاکستانی ڈراموں کی معروف اداکارہ ہانیہ عامر اور یشمہ گل کو کرسمس تقریب پر شدید تنقید کا سامنا ہے، حال ہی میں دونوں سہیلیوں نے کرسمس ایک ساتھ منایا، یشمہ گل نے کرسمس کی تقریب کی تصاویر سوشل میڈیا پر شیئر کیں جس میں یشمہ گل نے اپنے گھر کو روایتی کرسمس کی سجاوٹ سے آراستہ کیا تھا جہاں کرسمس ٹری بھی لگایا گیا تصاویر میں ہانیہ عامر اور یشمہ گل سانتا کلاز کی ٹوپیاں اور داڑھیاں پہنے نظر آئیں۔
سوشل میڈیا پر شیئر کی گئی تصاویر کے بعد صارفین کی جانب سے اس کرسمس سیلیبریشن پر شدید تنقید کی جا رہی ہے، ایک صارف نے لکھا کہ یہ لوگ ہر تہوار مناتے ہیں، کبھی کبھی شک ہوتا ہے کہ کیا یہ مسلمان بھی ہیں؟ ایک اور صارف کا کہنا تھا کہ نعوذباللہ، کرسمس منانا اور میری کرسمس کہنا حرام ہے، چاہے آپ یہ اپنے عیسائی دوستوں کیلئے ہی کیوں نہ کر رہے ہوں، ایک صارف نے تبصرہ کیا کہ اللہ انہیں سیدھے راستے پر چلنے کی ہدایت دے جبکہ ایک اور صارف نے لکھا کہ مغربی ثقافت کا مطلب یہ نہیں کہ ہر چیز درست ہے، اس تقریب کو منانے پر شرم آنی چاہئے۔
